Ҷон бохтани 475 нафар аз мубталоён ба вируси корона дар Эрон

Сухангӯи Вазорати беҳдошт, дармон ва омӯзиши пизишкии Эрон аз шиносоии беш аз 13 ҳазор бемори ҷадиди мубтало ба корона ва фавти 475 нафар дар 24 соати гузашта хабар дод.

Ба гузориши радиои тоҷикии Садои Хуросон, сухангӯи Вазорати беҳдошти Эрон Симо Содот Лорӣ рӯзи якшанбе дар бораи охирин омори беморони корона дар кишвар гуфт: "Бар асоси меъёрҳои қатъии ташхисӣ, дар 24 соати гузашта 13 ҳазору 53 бемори ҷадиди Ковид -19 дар Эрон шиносоӣ шуд, ки аз ин теъдод ду ҳазору 160 нафар бистарӣ шуданд ва ба бақияти беморон низ хадамоти мавриди ниёзашон расонда шуд."

Лорӣ бо баёни инки маҷмӯи беморони Ковид-19 дар Эрон ба 854 ҳазору 361 нафар расидааст, афзуд: "Мутаассифона  дар 24 соати гузашта, 475 нафар аз беморони Ковид-19 ҷони худро аз даст доданд ва маҷмӯи ҷонбохтагони ин беморӣ дар Эрон ба 44 ҳазору 802 нафар расидааст."

Ба гуфтаи сухангӯи Вазорати беҳдошти Эрон хушбахтона токунун603 ҳазору 445 нафар аз беморон беҳбуд ёфта ё аз бемористонҳо мураххас шудаанд.

Теъдоди афроди мубтало ба вируси корона дар ҷаҳон низ ба беш аз 58 миллиону 600 нафар расидааст, ки аз ин теъдод дастикам як миллиону 388 ҳазор нафар  ҷони худро аз даст доданд ва беш аз 40 миллион нафар ҳам беҳбуд ёфтаанд.

Бештар бихонед:

• Чин чигуна коронаро маҳор кард? + Филм

• Корона 150 шаҳрро дар Эрон ду ҳафта таътил кард