Ҷон бохтани 358 нафар аз мубталоён ба вируси корона дар Эрон

Сухангӯи Вазорати беҳдошт, дармон ва омӯзиши пизишкии Эрон аз фавти 358 нафар дар 24 соати гузашта дар ин кишвар хабар дод.

Ба гузориши радиои тоҷикии Садои Хуросон, Симо Содот Лорӣ, сухангӯи Вазорати беҳдошти Эрон рӯзи панҷшанбе дар бораи охирин омори беморони Ковид-19 дар Эрон ба хабарнигорон гуфт: " Бар асоси меъёрҳои қатъии ташхисӣ, дар 24 соати гузашта 13 ҳазору 922 бемори ҷадиди Ковид-19 дар Эрон шиносоӣ шуд, ки аз ин теъдод як ҳазору 921 нафар бистарӣ шуданд ва ба бақияи беморон низ хадамоти мавриди ниёзашон расонда шуд."

Сухангӯи Вазорати беҳдошти Эрон афзуд: " Мутаассифона, дар 24 соати гузашта 358 нафар аз беморони Ковид - 19 ҷони худро аз даст доданд ва маҷмӯи ҷонбохтагони ин беморӣ дар кишвар ба 49 ҳазору 348 нафар расидааст."

Лорӣ гуфт: "Маҷмӯи беморони Ковид-19 дар Эрон ба як миллиону се ҳазору 494 нафар расидааст, ки токунун 699 ҳазору 315 нафар аз онон беҳбуд ёфта ва аз бемористонҳо мураххас шудаанд."

Теъдоди афроди гирифтори вируси корона дар ҷаҳон низ ба ҳудуди 65 миллион нафар расидааст, ки аз ин теъдод дастикам як миллиону 500 ҳазор нафар ҷони худро аз даст дода ва беш аз 45 миллион нафар ҳам беҳбуд ёфтаанд.

Бештар бихонед:

• Нахустин ваксинаи эронии корона муҷаввизи озмоиши инсонӣ гирифт

• Идомаи раванди коҳиши маргу мир бар асари корона дар Эрон