Ҷон бохтани 251 нафар аз мубталоён ба вируси корона дар Эрон

Сухангӯи Вазорати беҳдошт, дармон ва омӯзиши пизишкии Эрон аз шиносоии беш аз 7 ҳазор бемори ҷадиди мубтало ба корона ва фавти 251 нафар дар 24 соати гузашта дар кишвар хабар дод.

Симо Содот Лорӣ, сухангӯи Вазорати беҳдошти Эрон рӯзи душанбе гуфт, бар асоси меъёрҳои қатъии ташхисӣ дар 24 соати гузашта 7 ҳазору 501 бемори ҷадиди мубтало ба Ковид -19 дар Эрон шиносоӣ ва аз ин теъдод як ҳазор 322 нафар бистарӣ шуданд.

Лорӣ бо баёни ин ки маҷмӯи беморони Ковид - 19 дар Эрон ба як миллиону 115 ҳазору 770 нафар расидааст, афзуд: Муттаассифона, дар 24 соати гузашта 251 нафар аз беморони Ковид - 19 ҷони худро аз даст доданд ва маҷмӯи ҷонбохтагони ин беморӣ дар кишвар ба 52 ҳазору 447 нафар расидааст.

Ба гуфтаи сухангӯи Вазорати беҳдошти Эрон, то кунун 823 ҳазору 231 нафар аз беморон низ беҳбуд ёфтаву аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 72 миллион нафар расидааст, ки аз ин теъдод дастикам як миллиону 620 ҳазор нафар ҷони худро аз даст додаанд ва ҳудуди 51 миллион нафар ҳам беҳбуд ёфтаанд.  

Бештар бихонед:

• Ҷон бохтани 247 нафар аз беморони корона дар Эрон
• Таъкиди Эрон бар дастрасии баробари ҳамаи инсонҳо барои дарёфти ваксинаи корона
• Шумори ҷонбохтагон аз корона дар Эрон ҳамчунон рӯ ба коҳиш аст