Корона ҷони 132 нафари дигарро дар Эрон гирифт
(last modified Tue, 29 Dec 2020 12:12:38 GMT )
Декабр 29, 2020 17:12 Asia/Dushanbe
  • Охирин омори корона дар Эрон то рӯзи сешанбеи 29 декабри 2020 эълом шуд
    Охирин омори корона дар Эрон то рӯзи сешанбеи 29 декабри 2020 эълом шуд

Дар 24 соати гузашта 132 бемори дигари мубтало ба Ковид - 19 дар Эрон ҷон бохтанд.

Симо Содот Лорӣ, сухангӯи Вазорати беҳдошт, дармон ва омӯзиши пизишкии Эрон рӯзи сешанбе бо эъломи охирин омори мубталоён ва ҷонбохтагони корона дар Эрон гуфт: «Дар 24 соати гузашта бар асоси меъёрҳои қатъии ташхисӣ 6 ҳазору 108 бемори ҷадиди Ковид - 19 дар Эрон шиносоӣ шуд ва 815 нафар бистарӣ шуданд».

Лорӣ афзуд: «Бо фавти 132 бемори дигар аз беморони Ковид - 19 дар 24 соати гузашта, шумори ҷонбохтагони ин беморӣ дар Эрон ба 54 ҳазору 946 нафар расид».

Сухангӯи Вазорати беҳдошт, дармон ва омӯзиши пизишкии Эрон афзуд: «Маҷмӯи беморони Ковид - 19 дар кишвар ба як миллиону 212 ҳазору 481 нафар расидааст, ки хушбахтона то кунун 969 ҳазору 408 нафар аз беморон беҳбуд ёфта ё аз бемористонҳо мурраххас шудаанд».

Бемории Ковид - 19 бар асоси омори расмии кишварҳо то кунун беш аз 81 миллион нафарро дар дунё мубтало кардаву беш аз як миллиону 783 ҳазор нафар низ бар асари ин беморӣ ҷони худро аз даст додаанд.

 

Бештар бихонед:

 

Барчасп