Рӯнамоӣ аз пойгоҳи мушакии сипоҳ дар соҳилҳои халиҷи Форс
-
Сарлашкар Саломӣ: Ин мушакҳо тавоноии убур аз таҷҳизоти ҷанги электронии душманро доранд
Бо ҳузури фармондеҳи кулли Сипоҳи посдорони инқилоби исломӣ яке аз пойгоҳҳои роҳбурдии мушакии Нерӯи дарёии сипоҳ дар савоҳили халиҷи Форс рӯнамоӣ шуд.
Сарлашкар Ҳусайни Саломӣ, фармондеҳи кулли Сипоҳи посдорони инқилоби исломӣ субҳи рӯзи ҷумъа дар ойини рӯнамоӣ аз ин пойгоҳ гуфт: Мантиқи мо дар дифоъ аз тамомияти арзӣ, истиқлоли кишвар ва дастовардҳои инқилоби исломӣ "қавӣ шудан" аст.
Фармондеҳи кулли Сипоҳи посдорони инқилоби исломӣ афзуд: Душманони мо қудрати мантиқи моро намепазиранд, балки бар мантиқи қудрат такя доранд, аз ин рӯ барои ҷилавгирӣ аз таҳмили иродаи султаталабонаву барномаи онҳо, роҳе ҷуз тақвияти қудрати боздорандаи дифоӣ ва таҳоҷумӣ барои мо вуҷуд надорад.
Сарлашкар Саломӣ гуфт: Ин маҷмӯа яке аз чандин таъсисоти нигаҳдорандаи мушакҳои роҳбурдии Нерӯи дарёии сипоҳ аст, ки дар он сутуне аз мушакҳову системаҳои партобкунанда мустақар аст.
Фармондеҳи кулли Сипоҳи посдорони инқилоби исломӣ афзуд: Ин мушакҳо бо бурди садҳо километр, бо вижагии нуқтазан ва дақиқ ва бо қудрати тахриби бисёр боло, тавоноии убур аз таҷҳизоти ҷанги электронии душманро доранд.
Сарлашкар Саломӣ афзуд: Агар иродае дар мустакбирону душманони мо вуҷуд дошта бошад, ҷавонони шуҷоъ ва барӯманди Эрон иродаи онҳоро дар нутфа хафа мекунанд.
Бештар бихонед:
