Рӯнамоӣ ва оғози мутолиъоти болинии дувумин ваксинаи эронии корона

Дувумин ваксинаи эронии корона бо унвони « Розӣ Кув Порс » имрӯз ( якшанбе ) дар Теҳрон рӯнамоӣ ва мутолиъоти болинии он оғоз шуд .

 Ба гузориши радиои тоҷикии Садои Хуросон ваксинаи тазриқӣ-истиншоқии корона бо номи Розӣ Кув Порс бо талоши муҳаққиқони муассисаи ваксина ва серум(қатраи тибби)созии Розии Эрон муваффақ ба дарёфти муҷаввизи мароҳили як ва дуи озмоиши инсонӣ шудааст .

 Сурно Сатторӣ-муовини илмии раёсати ҷумҳӯрии Эрон дар маросими рӯнамоӣ аз ваксинаи коронаи Розӣ Кув Порс гуфт : Дар гузашта тавваҷуҳи кофӣ ба тавлиди ваксина дар Эрон намешуд, аммо дар солҳои ахир ва ба ҳиммати вазорати беҳдошт пешрафтҳои бузурге дар ин замина ба даст омадааст ва имрӯз тавони тавлиди ҳар навъ ваксинаи корона бо фанноварии вируси заъифшуда ва вируси ғайрифаъол дар Эрон вуҷуд дорад .

 Козими Ховозӣ-вазири ҷиҳоди кишоварзии Эрон низ дар ин маросим гуфт: Ваксинаи коронаи Розӣ марҳилаи мутолиаи ҳайвониро бо озмоиш рӯйи 500 ҳайвон аз ҷумлаи хукча,муш ва маймун пушти сар гузоштааст ва дар ин замина анҷоми озмоиши муваффақ рӯйи 25 маймун рекорди бесобиқа ва кори бисёр бузург буд .

Ховозӣ афзуд : Корхонаи ваксинасозии Розӣ яке аз муҳимтарин марокизи таҳқиқотии минтақаи ғарби Осиё аст, ки барои тавлиди ваксинаи корона бо раҳбарии вазорати беҳдошти Эрон ва Созмони ғизо ва дору ба ин муваффақият расидааст .

 Тазриқи марҳилаи нахусти озмоиши инсонии нахустин ваксинаи эронии корона бо унвони « Кув Эрон баракат » низ рӯзи гузашта поён ёфт .

Бештар бихонед :

• Ваксинаи эронии корона вируси коронаи англисиро хунсо кард

• Ширкатҳои эронӣ 25. 5 миллион доза ваксинаи корона тавлид мекунанд

• Ҳоли умумии довталабони ваксинаи эронии корона хуб аст