Эрон сафар ба 39 кишварро мамнӯъ кард
-
Сафар ба ағлаби кишварҳои ҳамсояи Эрон бо риояти протоколҳои беҳдоштӣ анҷом мешавад
Вазири роҳу шаҳрсозии Эрон аз мамнӯъияти сафар аз Эрон ба 39 кишвар хабар дод .
Ба гузориши радиои тоҷикии Садои Хуросон ,Муҳаммади Исломӣ-вазири роҳу шаҳрсозии Эрон рӯзи якшанбе дар гуфтугӯ бо ИРНА бо баёни инки барои сафару тараддуд ба 39 кишвар мамнӯъият вуҷуд дорад, гуфт : Бо тавваҷуҳ ба шароити коронаӣ парвоз ба Британия ҳамчунон мамнӯъ аст .
Исломӣ дар бораи маҳдӯдияту мамнӯъияти фаъолияти турҳои мусофиратӣ ба Туркия низ гуфт : Ҳамаи турҳои мусофиратӣ муваззаф ҳастанд ба мусавваботи ситоди миллии корона амал кунанд .
Ба гуфтаи вазири роҳу шаҳрсозии Эрон ба рағми мамнӯъияти сафари гардишгарон ба Туркия аз онҷо ки ин кишвар нуқтаи иттисоли Эрон ба дигар кишварҳои ҷаҳон ба шумор меравад, парвозҳо ба Туркия ба далели мубодилоти тиҷорӣ барқарор аст .
Исломӣ дар бораи тамдиди ду ҳафтаии маҳдӯдиятҳо дар сафар ба Ироқ низ гуфт : Сафар ба Ироқ ба далели вазъияти сурхи устони Хузистон дар ҷанӯбу ғарби Эрон қабл аз Наврӯз мамнӯъ шуда буд, ки ин маҳдӯдиятҳо ду ҳафтаи дигар тамдид шудааст .
Вай афзуд : Сафар ба бақияи кишварҳои ҳамсояи Эрон бо риояти протоколҳои беҳдоштӣ анҷом мешавад .
Бештар бихонед :