Pars Today

Чаҳоршанбе, 8 урдибиҳишти 1400-и хуршедӣ ва 28 июни 2018 милодӣ, мусодиф бо солрӯзи милоди фархундаи ҳазрати Имом Ҳасани Муҷтабо (а), пешвои гиромии мусулмонон ва набераи бузурги Расули Акрам (с)аст.

Имом Ҳасани Муҷтабо (а), ки дар нимаи моҳи мубораки Рамазони соли савуми ҳиҷрии қамарӣ дар шаҳри Мадина қадам ба арсаи вуҷуд ниҳоданд, нахустин фарзанди Имом Алӣ ибни Абитолиб (а) ва ҳазрати Фотимаи Заҳро (с), духтари Паёмбари акрам (с) буданд. 

Ҳазрати Алӣ (а) ва ҳазрати Фотима (с) дар рӯзи валодати аввалин фарзандашон кӯдаки хешро назди Расули Худо (с) бурданд, то номе барояш интихоб фармоянд ва Паёмбар (с) низ ба амри Худованд номи ӯро Ҳасан (ба маънои некӯ ва писандида) гузоштанд.  

Имом Ҳасан (а) ҳафт сол аз зиндагии хешро дар сояи пурмеҳру лутфи ҷаддашон Паёмбари Ислом (с) сипарӣ кард ва дар ин фурсати гаронбаҳо аз навори тобноки вуҷуди Паёмбари гиромии Ислом (с) баҳра бурд ва пас аз он низ 30 сол шогирди тезҳуш ва ёвари содиқ барои падари гиромиаш ҳазрати Алӣ (а) буд. Эшон пас аз шаҳодати ҳазрати Алӣ (а) имомати уммати исломро бар уҳда гирифтанд. 

Саховат ва меҳрубонии он ҳазрат бо мардум дар даврони ҳаёти пурбаракати он имоми бузургвор ба ҳадде буд, ки мардум ба эшон лақаби “карими аҳли байт” доданд. 

Сайти “Parstoday” ва радиои тоҷикии “Садои Хуросон” вилодати саросар сурури ҳазрати Имом Ҳасани Муҷтабо (а)-ро ба ҳамаи дӯстдорони аҳли байти исмат ва таҳорат алайҳумуссалом табрик ва таҳният мегӯяд.