Эрон ҳамлаи Исроил ба Масҷидулақсоро маҳкум кард
Сухангуи Вазорати хориҷаи Эрон ҳамлаи саҳюнистҳо ба Масҷидулақсо ва намозгузорони фаластиниро маҳкум кард.
Саиди Хатибзода рӯзи шанбе гуфт: “Эрон юриши низомиёни режими ишғолгари Қудс ба Масҷидулақсо аввалин қиблагоҳи муслимин ва ҳамла ба намозгузорони фаластиниро дар охирин ҷумъаи моҳи мубораки Рамазон ва Рӯзи ҷаҳонии Қудс ба шиддат маҳкум мекунад”.
Сухангуи Вазорати хориҷаи Эрон афзуд: “Ҷумҳурии исломии Эрон зимни маҳкум кардани ин ҷинояти мусаллам алайҳи башарият аз Созмони милали муттаҳид ва дигар ниҳодҳои байналмилалӣ мехоҳад, ки ба вазифаи қатъии худ дар бархурд бо ин ҷинояти ҷангӣ амал намоянд.
Манобеи хабарӣ ҷумъа шаб аз ҳамлаи низомиёни саҳюнист ба намозгузорони фаластинӣ дар Масҷидулақсогузориш доданд.
Бар асоси ин гузоришҳо, низомиёни саҳюнист шомгоҳи ҷумъа дарҳои Масҷидулақсоро бастанд ва ба намозгузорони фаластинӣ ҳамла карданд, ки дар натиҷаи он дастикам 53 фаластинӣ захмӣ шуданд.
Бештар бихонед:
-
Ҳушдори мақоми фаластинӣ дар бораи беҳурматӣ ба Масҷидулақсо тавассути саҳюнистҳо
-
Саид Ҳасан Насруллоҳ: Умри режими саҳюнистӣ ба поён расидааст