Охирин омори корона дар Эрон: 411 мавриди дигари фавт

Тайи 24 соати гузашта 411 нафар аз эрониён бар асари ибтило ба вируси корона ҷон бохтанд.

Маркази равобити умумӣ ва итилоърасонии Вазорати беҳдошт, дармон ва омӯзиши пизишкии Эрон рӯзи душанбе эълом кард: “Дар шабонарӯзи гузашта бар асоси меъёрҳои қатъии ташхисӣ 37 ҳазор ва 189 бемори ҷадиди мубтало ба Ковид -19 дар кишвар шиносоӣ шуд, ки чаҳор ҳазору 317 нафар аз онҳо бистарӣ шуданд”.

Бар асоси ин гузориш, маҷмӯи беморони Ковид- 19 дар Эрон ба се миллиону 940 ҳазору 708 нафар расидааст.

Равобити умумии Вазорати беҳдошти Эрон ҳамчунин эълом кард: “Муттаассифона, дар тӯли 24 соати гузашта 411 бемори Ковид-19 ҷони худро аз даст доданд ва маҷмӯи ҷонбохтагони ин беморӣ ба 91 ҳазору 407 нафар расид”.

Маркази равобити умумӣ ва итилоърасонии Вазорати беҳдошти Эрон эълом кард: “Хушбахтона то кунун се миллиону 404 ҳазору 533 нафар аз беморон беҳбӯд ёфта ва ё аз бемористонҳо мурраххас шудаанд".

Бештар бихонед:

• Теъдоди рӯзонаи қурбониёни корона дар Эрон ҳамчунон дар ҳоли афзоиш
• Вуруди даҳумин маҳмулаи ваксинаи корона ба Эрон