Охирин омори корона дар Эрон
Вазорати беҳдошт, дармон ва омӯзиши пизишкии Эрон эълом кард: Бо фавти 445 нафари дигар аз мубталоён ба Ковид - 19 дар шабонарӯзи гузашта, теъдоди ҷонбохтагони ин беморӣ дар Эрон ба 113 ҳазору 380 нафар расид.
Маркази равобити умумии Вазорати беҳдошт, дармон ва омӯзиши пизишкии Эрон рӯзи ҷумъа дар иттилоияе эълом кард: Аз дирӯз то имрӯз (10 сентябри 2021) ва бар асоси меъёрҳои қатъии ташхисӣ, 21 ҳазору 114 бемори ҷадиди мубтало ба Ковид -19 дар кишвар шиносоӣ шуд, ки се ҳазору 187 нафар аз онҳо бистарӣ шуданд ва маҷмӯи беморони Ковид -19 дар кишвар ба 5 миллиону 258 ҳазору 913 нафар расид.
Вазорати беҳдошти Эрон дар ин иттилоия афзуд: То кунун 4 миллиону 509 ҳазору 905 нафар аз беморон беҳбуд ёфта ё аз бемористонҳо тархис шудаанд.
Бар асоси омори расмии кишварҳо, вируси корона то кунун беш аз 224 миллион нафарро дар дунё мубтало карда ва беш аз 4 миллиону 622 ҳазор нафар низ бар асари бемории Ковид -19 ҷони худро аз даст додаанд.
Бештар бихонед: