Медали биринҷии ҷаҳон бар сари синаи снукербози эронӣ
Снукербози ҷавони Эрон муваффақ шуд, нахустин медоли снукери Эрон дар рақобатҳои байналмилалии 18 соли ҷаҳониро касб кунад.
Ба гузориши ИРНА, рақобатҳои ҷаҳонии снукери18 сол дар шаҳри Бухарести Руминия баргузор шуд ва тими миллии снукери Эрон бо чаҳор намоянда дар ин мусобиқот ширкат кард, ки дар поён бо касби медоли бурунзи ин рақобатҳо барои намояндаи Эрон, парвандаи мусобиқоти ҷаҳонӣ дар ин раддаи синнӣ баста шуд.
Арсалони Боқирӣ аз устони Гилон дар шимоли Эрон муваффақ шуд барои нахустин бор дар таърихи риштаи снукери Эрон дар раддаи синнии 18 соли ҷаҳонӣ ба медоли бурунз даст пайдо кунад.
Боқирӣ дар ниманиҳоӣ бо шикаст дар муқобили намояндаи Полша аз расидан ба финали рақобатҳо бозмонд ва ба ҳамроҳи намояндаи Таиланд муштаракан ба ҷойгоҳи сеюми ин рақобатҳо басанда кард.
Намояндагони Вейлс ва Полша низ ба тартиб ановини аввалу дувумро касб карданд.
Рақобатҳои снукери қаҳрамонии ҷаҳони 18 соли 28 то 31 мурдодмоҳ ба мизбонии Руминия ва дар шаҳри Бухарест баргузор шуд ва аз фардо рақобати намояндагони Эрон дар раддаи синнии 21 сол оғоз мешавад.
