Оғози нишасти « Ҳамкориҳои ҷомеъи Эрону Чин » дар Теҳрон
Нишасти « Ҳамкориҳои ҷомеъи Эрону Чин » аз имрӯз ( сешанбе ) бо ҳузури муовини аввали раиси Ҷумҳурии исломии Эрон ва муовини нахуствазири Чин дар Теҳрон оғоз шудааст .
Ба гузориши радиои тоҷикии Садои Хуросон, меҳвари аслии нишасти « Ҳамкориҳои ҷомеъи Эрону Чин » роҳкори афзоиши раванди иҷрои барномаи ҳамкории ҷомеъи 25 солаи Эрону Чин эълом шудааст .
Муҳаммади Мухбир-муовини аввали раиси Ҷумҳурии исломии Эрон ва Ҳу Чун Ҳуои-муовини нахуствазири Чин раёсати ду ҳайати эронӣ ва чиниро дар ин нишаст бар ӯҳда доранд.
Эрону Чин дар солҳои гузашта равобити худро дар се сатҳи калони " сиёсӣ - иқтисодӣ ", " амниятӣ - дифоӣ " ва " геополитикӣ - стратегӣ " густариш додаанд ва имзои санади роҳбурдии 25 солаи гоми муҳимме дар ҷиҳати такмили ин раванд буд .
Ин санад бо ҳадафи афзоиши амалии равобити ду кишвар дар сатҳи мушорикати ҷомеъи роҳбурдӣ ва фароҳам кардани заминаи тавсеаи ҳамаҷонибаи ҳамкориҳои Эрону Чин тадвин шудааст.
Бештар бихонед :
