Таҳкими ҳамкориҳо-меҳвари дидори вазирони гардишгарии Узбекистону Индонезия
Дар дидори вазири фарҳангу варзиши Узбекистон бо вазири гардишгарӣ ва иқтисоди Индонезия дар шаҳри Тошканд бар афзоиши ҳамкориҳои ду кишвар таъкид шуд .
Ба гузориши радиои тоҷикии Садои Хуросон,Озодбек Назарбеков-вазири фарҳангу варзиши Узбекистон ва Сандиага Салоҳиддин Оно-вазири гардишгарӣ ва иқтисоди Индонезия таҳкими беш аз пеши ҳамкориҳои дуҷонибаи байни ду кишварро баррасӣ карданд .
Вазири фарҳангу варзиши Узбекистон дар канали телеграми худ навишт : Дар ин дидор дар бораи аҳамияти мероси ғании илмии бузургоне чун Имом Бухорӣ ва Имом Мотуридӣ, ки дар тавсеаи дини ислом саҳми беназирӣ доштанд, суҳбат кардем .
Вай афзуд : Мо ҳамчунин дар мавриди мавзӯъоте монанди афзоиши теъдоди парвозҳо байни ду кишвар ва даъват аз ширкатҳои ҳавопаймойии Индонезия ба Узбекистон табодули назар кардем .
Индонезия истиқлоли Узбекистонро дар 28 декабри 1991 ба расмият шинохт .
