Рӯнамоӣ аз бузургтарин соати дунё дар пойтахти Қазоқистон

Бо наздик шудан ба оғози соли нави мелодӣ аз як соати 17-метрӣ ба унвони бузургтарин соати дунё дар пойтахти Қазоқистон рӯнамоӣ мешавад.

Ба гузориши хабаргузории Форс, ин соат бо қутри 17 метр дар соҳили рӯди Ишеми Қазоқистон насб шуда ва бинобар эъломи шаҳрдори шаҳри Остона бузургтарин соат дар навъи худ дар ҷаҳон аст.

 Атрофи ин соат бо чароғҳои зебо зинат дода шудааст, ки дар шаб намои зебоеро эҷод ме‎кунад.

 Қарор аст ин соат 31 декабр соати 24.00 ҳамзамон бо оғози ҷашнҳои соли нави мелодӣ дар соҳили рӯди Ишем рӯнамоӣ шавад.

Дар атрофи ин соати бузург, майдони лижаронии рӯй ях ба масоҳати 8 ҳазор метри мураббаъ низ дар назар гирифта шудааст.