Оғози фасли ҷадиди ҳамкориҳои ҳунарии Эрон ва Тоҷикистон

Порс Тудей - Муовини вазири фарҳангу иршоди исломии Эрону вазири фарҳанги Тоҷикистон бар зарурати густариши равобити фарҳангии ҳунарии ду кишвар таъкид карданд.

Матлубахон Сатториён, вазири фарҳанги Тоҷикистон рӯзи ҷумъа бо Алиризо Ҳақиқиён, сафири Ҷумҳурии Исломии Эрон дар Тоҷикистон ва Нодира Ризоӣ, муовини умӯри ҳунарии вазири фарҳангу иршоди исломии Эрон дидору гуфтугу кард.

Ба гузориши Порс Тудей, вазири фарҳанги Тоҷикистон дар ибтидои ин дидор зимни хушомадгуӣ ба ҳунармандону ҳайати эронии ширкаткунанда дар ҷашнвораи байналмилалии Театри ҳирфаии наврӯзи Тоҷикистон гуфт: Кишварҳои Эрону Тоҷикистон дорои фасли муштараки фаровоне дар ҳавзаҳои фарҳангӣ ва ҳунарӣ ҳастанд.

Сатториён идома дод: Ин ҳамкориҳо бояд дар ашколи мухталиф густариш пайдо кунаду вазорати фарҳанги Тоҷикистон омодаи оғози фасли ҷадиди ҳамкориҳо бо Ҷумҳурии Исломии Эрон аст.

Муовини умури ҳунарии вазири фарҳангу иршоди исломии Эрон низ дар ин дидор зимни қадрдонӣ аз мизбонии шоистаи вазорати фарҳанги Ҷумҳурии Тоҷикистон ва таъкид бар густариши ҳамкории дуҷониба гуфт, ду репертуараи комил аз ашъори Рӯдакӣ тавлид шуда ва гуруҳи эронӣ ин омодагиро барои иҷрои пружа дар Тоҷикистон дорад. Албатта ки мухотабони эронӣ хотироти зиёде бо марҳӯм устод Давлатманд Холов доранд ва то онҷо, ки иттилоъ пайдо кардам, фарзанди ин ҳунарманд ба пуштвонаи омӯзаҳои падар фаъолияти мустамарре дар ин арса дорад, бинобар ин, банда ва ҳамкоронам ин омодагиро дорем то дар бораи иҷрои ин ҳунарманд ва дигар гуруҳҳо низ барномарезиҳое дошта бошем.

Вай ҳамчунин омодагии ин вазоратхонаро барои ташкили гуруҳҳои муштарак муштамил бар ҳунарҷӯёни ҳунаристонҳои мусиқии духтарону писарон барои ҳузур дар рӯйдодҳои муртабит бо Наврӯз эълом кард ва гуфт: Мо ҳунармандони Тоҷикистонро дӯстони наздике медонем, ки метавонем бо онҳо фаъолиятҳои бисёре анҷоми диҳем ва ман ҳамин ҷо аз шумо бузургворон даъват мекунам то ба кишвари мо биёед ва аз фаъолиятҳо ва ҷаззобиятҳое, ки фарҳангу ҳунари эронӣ бархӯрдор аст, боздид дошта бошед.