Таъкид бар зарфиятҳои тамаддунӣ ва торихии Эрону Тоҷикистон

Вазирони мироси фарҳангии Эрон ва фарҳанги Тоҷикистон дар ҳошияи дуюмин маҷмаъи умумии Иттиҳодияи мироси фарҳангии Осиё дар раванди тақвияти ҳамкориҳои фарҳангии Эрон бо кишварҳои Осиёӣ , нишасти муштарак баргузор ва бо таъкид бар зарфиятҳои тамаддунӣ ва торихии ду кишвар , нақшаи роҳи тозае барои ҳамкориҳои илмӣ , миросӣ ва гардишгарӣ тарсим карданд.

Ба гузориши хабаргузории Садо ва Симо , дар дидори Сайидризо Солеҳии Амирӣ , вазири мироси фарҳангӣ , гардишгарӣ ва саноеъи дастии Эрон бо Матлӯбахон Сатториён , вазири фарҳанги Тоҷикистон, ки асри 26 ноябр дар ҳошияи дуюмин маҷмаъи умумии Иттиҳодияи мироси фарҳангии Осиё дар шаҳри Чунг Синги Чин баргузор шуд , ду тараф бар тақвияти ҳамкориҳои фарҳангӣ , муҳофизат аз мироси муштарак ва густариши таъомулоти пажӯҳишӣ гардишгарӣ таъкид карданд.
Дар ин нишаст Сайидризо Солеҳии Амирӣ бо ташреҳи зарфиятҳои фарҳангии Эрону Тоҷикистон ва нақши мироси муштарак дар таҳкими равобити ду миллат гуфт : Бар асоси таъкиди раиси ҷумҳурии Эрон , ҳамкорӣ бо Тоҷикистон дар авлавияти мо қарор дорад ва хушҳолем, ки имрӯз фурсати гушудани фасли тоза аз равобити фарҳангии миёни ду кишвар фароҳам шудааст .
Вай дар ибтидои дидор бо даъвати расмӣ аз вазири фарҳанги Тоҷикистон барои ҳузур дар ҷашни Наврӯз дар Теҳрон афзуд : Тасмим дорем вазирони фарҳанг ва гардишгарии кишварҳои ҳавзаи Наврӯз ва бархе меҳмонони вижаро барои ҳузур дар маросими Наврӯз ба Теҳрон даъват кунем ва ин зарфиятро дар солҳои оянда то сатҳи иҷлоси сарон боло бибарем.
Таъкид бар мироси муштарак ва созукорҳои навини муҳофизатӣ
Солеҳии Амирӣ бо ишора ба панҷ мироси номалмӯс(маънави)и муштараки сабтшудаи миёни Эрону Тоҷикистон , ин унсурҳоро « сармояҳои тамаддунии ду кишвар » тавсиф кард ва гуфт : Ҳар кадом аз ин мирос ба масобаи нуқтаи иттисоли фарҳангии миёни ду миллат амал мекунанд ва бояд барои сиёнат(посдошт) ва муаррифии муштараки онҳо барномарезӣ шавад .
Вай бо ишора ба аҳамияти ҳифозат аз нусхаҳои хаттӣ , асноди торихӣ ва биноҳои дар маърази хатар пешниҳод кард : Эрон омодагӣ дорад эдеяи эҷоди созукори муштараки сиёнат аз миросро дар иҷлос матраҳ кунад . Дар сурати тавофуқ  метавон нишастҳои муназзам дар сатҳҳои мухталифи вазоратӣ ва тахассусӣ баргузор кард ки масири ҳамкориҳои амалӣ ҳамчун истирдоди осор , сабти ҷаҳонии муштарак ва муқобилаи фарҳангӣ бо қочоқро тақвият кунад .
Вазири мироси фарҳангӣ ҳамчунин эълом кард, ки Эрон омодааст донишу таҷрибаи маримматии худро дар ихтиёри Тоҷикистон қарор диҳад ва муваффақияти Тоҷикистон дар ҳавзаи миросро муваффақияти Эрон донист.
Пешниҳоди баргузории нахустин ҳамоиши муштараки илмӣ ва миросӣ
Солеҳии Амирӣ бо баёни инки Пажӯҳишгоҳи мироси фарҳангии Эрон дорои 5 пажӯҳишкада ва 400 пажӯҳишгари мутахассис аст , пешниҳоди баргузории нахустин ҳамоиши тахассусии мироси фарҳангӣ , нусхашиносӣ , бостоншиносӣ , забоншиносӣ ва катибахонӣ миёни Эрону Тоҷикистон дар Теҳрон  ва даври дувуми ин ҳамоишро дар Душанбе матраҳ кард.
Вай дар бахши дигаре аз суханони худ ба тавсеаи ҳамкориҳои гардишгарӣ ишора кард ва гуфт : Ҳеҷ маҳдудияте барои густариши табодулоти гардишгарӣ бо Тоҷикистон қоил нашудаем ва бо эҷоди хати парвозии мустақим ба Кеш шароити сафарро  осон кардаем .
Истиқболи вазири фарҳанги Тоҷикистон аз пешниҳодҳои Эрон
Матлӯбахон Сатториён , вазири фарҳанги Тоҷикистон низ дар ин нишаст бо қадрдонӣ аз даъвати Эрон барои ҳузур дар ҷашни Наврӯз ва ҳамчунин тадоруки нишасти муштараки фарҳангӣ гуфт : Эрону Тоҷикистони ду миллат ва як фарҳанганд. Забони муштарак, решаҳои муштарак ва фаҳми муштаракӣ дорем ва ин сармояи бузургӣ барои ояндаи ҳамкориҳои мост.
Вай бо ишора ба таъкиди раиси Ҷумҳурии Тоҷикистон бар тақвияти равобит бо Эрон афзуд : Аз ҳамаи пешниҳодҳои матраҳшуда аз сӯи вазири мироси фарҳангии Эрон ҳимоят мекунем ва омодаем нахустин нишасти Комиссиюни муштараки фарҳангиро дар аввалин сафари расмиам ба Теҳрон оғоз кунем.
Сатториён ҳамчунин бо ишора ба сабти ҷаҳонии маншури Куруш ва нақши мироси муштарак дар дипломосии фарҳангии ду кишвар гуфт : Дар ҳавзаи забони форсӣ ва адаби порсӣ низ бояд дар баробари таҳдидҳои фарҳангӣ ҳамафзо амал кунем ва аз зарфияти пажӯҳишгоҳҳои фарҳангии ду кишвар баҳра бубарем.