Таъини нахуствазири Узбакистон ба унвони раисиҷумҳури муваққати ин кишвар
Сентябр 08, 2016 19:30 Asia/Dushanbe
Нахуствазири Узбакистон ба унвони раисиҷумҳури муваққати ин кишвар таъин шуд.
Ба гузориши хабаргузории Ройтерз, парлумони Узбакистон Шавкат Мирзоёев-нахуствазири ин кишварро ба унвони раисиҷумҳури муваққат таъин кардааст.
Ислом Каримов. раисиҷумҳури Узбакистон, ки ба муддати 27 сол бар ин кишвар дар Осиёи Марказӣ ҳукумат карда буд, ҳафтаи гузашта бар асари сактаи мағзӣ даргузашт.
Ба мӯҷиби Қонуни асосии Узбакистон, раиси Маҷлиси Сено бояд унвони кафили риёсатҷумҳури Узбакистон муаррифӣ шавад, аммо парлумони ин кишвар дар ҷаласаи имрӯзи худ нахуствазири Узбакистонро ба унвони раисиҷумҳури муваққат эълом кард.
Шавкат Мирзоёев аз афроди наздик ба Ислом Каримов маҳсуб мешавад.
