Гулнора Каримова - муттаҳами бузургтарин парвандаи фасоди молии хориҷӣ дар Амрико
Амрико Гулнора Каримова, духтари раисҷумҳури собиқи Узбакистонро ба мушорикат дар як тарҳи ришвахории байналмилалӣ муттаҳам кард.
Ба гузориши хабаргузории Тасним, Гулнора Каримова, духтари раисҷумҳури собиқи Узбакистон ба мушорикат дар як тарҳи байналмилалии ришвахорӣ ва нақзи қонуни мубориза бо фасоди молии хориҷии Амрико муттаҳам шудааст.
Тибқи асноди мавҷуд дар додгоҳи Амрико, Каримова ва ҳамдасти ӯ Беҳзод Аҳмадов ба муддати 11 сол, аз соли 2001 то 2012 барои судури муҷаввизи воридоти телефони ҳамроҳ 865 миллион доллар ришва гирифтаанд.
МТС - бузургтарин ироадиҳандаи шабакаи телефони ҳамроҳи Русия, ки аз муттаҳамони ин парванда аст, ҳафтуми март эълом кард, ки 850 миллион доллар барои поён додан ба ин парванда пардохт хоҳад кард.
Дар ин парванда ширкатҳои МТС, Вимпелком ва Телиа Санерои Скандинавия ҳам муттаҳам ҳастанд, ки маблағи зиёдеро барои давр задани созмони мубориза бо фасоди молии Амрико ва дигар созмонҳои байналмилалии мубориза бо фасод пардохт кардаанд.
Бинобар эъломи Вазорати додгустарии Амрико, ин бузургтарин парванда дар чаҳорчӯби муборизаи фасоди молии хориҷии Амрикост.
Давлати Узбакистон низ бастагони Ислом Каримов, раисҷумҳури собиқи ин кишварро, ки ба навъе муртабит бо ин парванда ҳастанд, зери заррабин қарор додааст.
Гулнора Каримова чанд рӯз пеш низ дар Тошканд ба далели шикастани ҳасри хонагӣ дастгир ва барои аввалин бор ба унвони муттаҳам равонаи зиндон шуд.
