Оғози чаҳордаҳумин даври музокироти сулҳи Сурия дар пойтахти Қазоқистон
Чаҳордаҳумин даври музокироти сулҳи Сурия дар пойтахти Қазоқистон оғоз шуд.
Ойбик Сумодёров намояндаи расмии Вазорати умури хориҷаи Қазоқистон бо эъломи ин хабар гуфт, тамоми ҳайатҳои ширкаткунанда дар ин музокирот вориди Нурсултон шуданд.
Ба нақл аз Форс, ҳайати эронӣ дар ин музокирот ба сарпарастии Алиасғари Ҳоҷӣ дастёри баландпояи Вазорати умури хориҷаи Ҷумҳурии исломии Эрон дар умури сиёсӣ ва раёсати ҳайатҳои Русия ва Туркияро Александер Лавернатиев намояндаи вижаи раиси ҷумҳури Русия дар умури Сурия ва Саидон Анел муовини Вазорати умури хориҷаи Туркия бар уҳда доранд.
Ҳайати Созмони Миллал дар ин музокирот таҳти сарпарастии Гиер Питерсон фиристодаи вижаи Дабири кулли ин созмон дар умури Сурия ширкат мекунад.
Иҷлоси умумӣ бо ширкати тамоми тарафҳои ширкаткунандаи ин музокирот рӯзи 11 декабр баргузор мешавад.