Рутбаи 25 –уми сармоягузории Қазоқистон дар байни кишварҳои ҷаҳон
Қазоқистон рутбаи 25 –уми сармоягузории ҷаҳонро дорад.
Сафири Қазоқистон дар Эрон гуфт, бар асоси эъломи Бонки Ҷаҳонӣ, кишвари Қазоқистон дар охирин рутбабандии суратгирифта аз сӯйи Бонки Ҷаҳонӣ аз байни 190 кишвари дунё дорои рутбаи 25 –ум аст.
Ба гузориши ИРНА, Асхат Урозбой дар сафари якрӯзаи худ ба Қазвин ва боздид аз чанд воҳиди тавлидӣ дар утоқи бозаргонӣ, санъат, маъдан ва кишоварзии ин устон таъкид кард, бидуни тардид Қазвин яке аз шохистарин ва пешрафтатарин устонҳои Эрон ба лиҳози санъатӣ, кишоварзӣ ва ҳатто гардишгарӣ аст ва бо таваҷҷуҳ ба вуҷуди зарфиятҳои қобили таваҷҷуҳи он, мо низ тамоюл дорем то доманаи ҳамкориҳои худро бо ин минтақа аз Эрон густариш диҳем.
Вай бо баёни ин ки Қазоқистон пас аз касби истиқлоли худ ва тайи се даҳаи гузашта ҳеҷ коре, ки боиси нороҳатии кишвари дӯст ва ҳамсояи худ, яъне Эрон шавадро анҷом надода ва дар тӯли сахттарин шароити таҳримии ин кишвар аз сӯйи Амрико низ ҳамкориҳои лозимро бо кишвари Эрон доштааст.
Сафири Қазоқистон бо ишора ба боздиди худ аз устони Гулистон изҳор дошт, хушбахтона масъулони ин устон бо таваҷҷуҳ ба наздикии онон ба кишвари Қазоқистон тариқи марзи обӣ тамоюли фаровоне барои табодулоти коло доранд, аммо ба назар мерасад вуҷуди зарфиятҳои фаровон дар устони Қазвин тавре аст, ки мешавад корҳои зиёдеро анҷом дод то ҷое, ки ба унвони мисол маҳсулоте монанди себ, ки тарафдорони зиёдеро дар кишвари Қазоқистон ва ба хусус Русия дорад, аз ин нуқта ба кишвар мо содир шавад.
Сафири Қазоқистон дар Эрон хотирнишон кард, тайи 27 соле, ки аз истиқлоли кишвар Қазоқистон аз Шӯравии собиқ мегузарад то кунун 300 миллиард доллар сармоягузории хориҷӣ дар он сурат гирифта, ки ин мизон 70 дарсад аз кулли сармоягузориҳои хориҷӣ буда, ки тайи ин муддат вориди кишварҳои Осиёи Миёна шудааст.