Ташкили комиссияи ҳуқуқи башар дар ИДМ

Иттиҳоди Давлатҳои Мустақил(ИДМ) аз азми кишварҳои узви ин иттиҳодия барои эҷоди «комиссияи ҳуқуқи башар ИДМ» хабар дод.

Ба гузориши хабаргузории Форс аз Душанбе, маркази матбуотии Кумитаи иҷроии ИДМ эълом кард, дар нишасти ин ҷомеъа дар Беларус, аъзо мувофиқати худро бо эҷоди «комиссияи ҳуқуқи башари ИДМ» эълом карданд.

Ширкаткунандагон дар ин нишаст ба лузӯми баррасӣ ва такмили мавзуоти созмонӣ ва молии фаъолияти комиссияи ҳуқуқи башари ИДМ, таъкид карданд.

Иттиҳоди Давлатҳои Мустақил(ИДМ) пас аз фурупошии Шуравии собиқ шакл гирифт. Баёнияи таъсиси ин иттиҳодия дар 21 декабри 1991 дар Алмаато тавассути раҳбарони ҷумҳурии Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон, Туркманистон, Узбекистон ва Украина имзо шуд. Узвияти Гурҷистон дар ин иттиҳодия ба дунболи тасмими расмии раисони ҷумҳури кишварҳои узв дар 3 декабри 1993 ва ба дунболи дархости Эдуард Шеварднадзе, раисиҷумҳури Гурҷистон дар 8 октябри 1993 сӯрат гирифт.

Беш аз 70 дарсади буҷети ИДМ тавассути Русия пардохт мешавад.

БЕШТАР БИХОНЕД :

• Коҳиши мубодилоти тиҷории Тоҷикистон бо ИДМ
• Душанбе - пойтахти фарҳангии ИДМ шуд