Боз шудани тунели Соланг дар Афғонистон

Тунели Соланг дар Афғонистон пас аз як шабонарӯз боз шуд .

Ба гузориши радиои тоҷикии Садои Хуросон, Раёсати ҳифзу муроқибат аз Соланг эълом кард амалиёти барфпоккунӣ дар масири шоҳроҳи Соланг такмил шуда ва шоҳроҳ ба рӯйи мошинҳои мусофирбарӣ боз шудааст .
Ин раёсат дар иттилоъияе гуфтааст, ки дар ҳар ду тарафи Соланг ҳавои соф ва офтобӣ аст .
Раёсати ҳифзу муроқибат аз Соланг афзуд : Васоили нақлияи борӣ ва мусофирбарӣ фақат бо занҷири чарх ва риояти муқаррароти роҳнамоӣ ва ронандагӣ иҷозаи тараддуд аз шоҳроҳи Солангро доранд .
Ҳамасола дар фасли зимистон шоҳроҳи Соланг барои муддате баста мешавад .
Соланг аз шоҳроҳҳои муҳими Афғонистон аст, ки Кобулро ба ҳафт вилояти шимолӣ муттасил мекунад .