Шавкат Мирзиёев савганд ёд кард
Шавкат Мирзиёев барои оғози раёсати ҷумҳурии ҷадид дар Узбакистон савганд ёд кард.
Манобеи хабарии маҳаллӣ дар Узбакистон эълом карданд, маросим адои савганди раиси ҷумҳурии ҷадиди Узбакистон бидуни ҳузури меҳмонони хориҷӣ ва танҳо дар ҳузури аъзои ҳукумат, маҷлис ва дипломатҳои хориҷии муқими Тошканд баргузор шуд.
Маҷлиси сенои Узбакистон рӯзи сешанбе бо истеъфои Шавкат Мирзиёев, ки вазифаи нахуствазириро дар ихтиёр дошт, мувофиқат кард.
Бо пешниҳоди Мирзиёев, Абдуллоҳ Орифов барои мақоми нахуствазирии Узбакистон ба маҷлис пешниҳод шудааст.
Шавкат Мирзиёев дар интихоботи раёсати ҷумҳурӣ, чаҳоруми декабр бо касби беш аз 88 дарсади оро ба унвони раиси ҷумҳурии ҷадиди ин кишвар интихоб шуд.
Бар асоси қонуни интихоботи риёсати ҷумҳурии Узбакистон, маросими адои савганди раиси ҷумҳурии ҷадид бояд ду моҳ баъд аз эъломи натоиҷи расмии интихобот баргузор шавад, аммо бар асоси тасмими ниҳоӣ қарор шуд, ки Мирзиёев 10 рӯз баъд аз баргузории интихобот расман дар мақоми раиси ҷумҳурӣ машғули кор шавад.
