Афзоиши тадобири амниятӣ дар атрофи сафорати Русия дар Душанбе
Сафорати Русия дар Тоҷикистон тадобири амниятиро дар атрофи сохтмони ин сафоратхонахо афзоиш додааст.
Ба иттилои РИА Новости, Игор Лякин-Фролов, сафири Русия дар Тоҷикистон ин хабарро дар маросими ёдбуди ҳамтои кушташудааш дар Туркия эълом кард .
Дар ин маросим, ки дар сафорати Русия дар Душанбе баргузор шуд, Игор Лякин-Фролов афзуд: Баъд аз кушта шудани Андрей Карлов дар Туркия бо дархости сафорат, тадобири амниятӣ дар хориҷ ва дохили сохтмони сафоратхонахо ташдид шудааст .
Дар ин маросим Алӣ Рафъат Куксал, сафири Туркия дар Тоҷикистон низ гуфт: Ниҳодҳои қазоии кишвараш ҳатман омилони ин ҳодисаро шиносоӣ хоҳанд кард .
Андрей Карлов, сафири Русия дар Туркия 19 декабр ҳангоми суханронӣ дар намоишгоҳи акси “Русия аз назари туркҳо” дар Анкара ба зарби гулула кушта шуд .
Бино бар эъломи расонаҳои хабарӣ, ҳамлагари сафири Русия аз маъмурони полис будааст .