Оғози Ҷашнвораи байналмилалии театрҳои кӯдакона дар Душанбе

Тамошогарон ба муддати як ҳафта дар намоишҳои рангоранги арӯсакгардонони кишварҳои хориҷӣ ширкат хоҳанд кард.

Ҳафтумин Ҷашнвораи байналмилалии театрҳои кӯдаконаи “Лӯхтак” ба номи "Чодари хаёл" дар Тоҷикистон баргузор шуд.

Ин барнома дар чорчӯби тарҳи давлат ва Вазорати фарҳанги Ҷумҳурии Тоҷикистон баргузор мешавад.

Дар ин ҷашнвора мухотабон бо ҳунари арӯсакгардонӣ аз шаҳрҳои Новосибирск, Шимкент, Ишқобод, Тошканд ва Теҳрон ошно мешаванд.

Мақомоти Тоҷикистон муътақиданд, баргузории ин ҷашнвора омили муҳиме барои густариши ҳамкории гуруҳҳои ҳунарии театрҳои кӯдаконаи кишварҳои мухталиф ва эҷоди дӯстӣ байни миллатҳо талаққӣ мешавад.