Гуфтугӯи телефонии раиси ҷумҳури Тоҷикистон бо Путин
Эмомалӣ Раҳмон, раиси ҷумҳури Тоҷикистон бо Владимир Путин, раиси ҷумҳури Русия гуфтугӯи телефонӣ анҷом дод.
Ба гузориши радиои тоҷикии Садои Хуросон ба нақл аз Спутник,дар ин гуфтугӯ мавзӯъоти муҳимми ҳамкориҳои дуҷониба миёни Тоҷикистон ва Русия мавриди баҳсу баррасӣ қарор гирифт. Дар ин замина мавзӯъоти ҳамкорӣ дар заминаи муҳоҷирати корӣ ба тафсил мавриди баҳсу баррасӣ қарор гирифт. Муқаррар шуд дастуроти марбута ба идораҳои марбутаи тарафҳо дода шавад то кор дар ин замина бештар фаъол шавад.
Сарони ду кишвар ҳамчунин бар ҳамоҳангии наздики сохторҳои интизомӣ ва хадамоти вежа дар мубориза бо терроризм, ифротгароӣ ва падидаҳои ҷароими созмонёфтаи фармиллӣ ва дар айни ҳол бар аҳамияти тақвияти бештари ҳамкориҳо таъкид карданд.
Раисони ҷумҳур ҳамчунин дар бораи мавзӯъоти ҷудогона дар дастури кори байналмилалӣ ва минтақаӣ табодули назар карданд. Ҳамчунин барномаи дидорҳои наздики дуҷонибаро ҳамоҳанг карданд.
Владимир Путин аз Эмомалӣ Раҳмон даъват кард, то дар нишасти ғайрирасмии сарони кишварҳои ИДМ ва рӯйдодҳои ҷашни Ғалаба, ки дар Маскав баргузор мешавад, ширкат кунад.
