Ҷилавгирии қочоқи доруворӣ аз Афғонистон ба Тоҷикистон
Гумрукчиёни тоҷик аз қочоқи маводи доруворӣ аз Афғонистон ба Тоҷикистон ҷилавгирӣ карданд.
Ба иттилои «Ховар», дар дидбонгоҳи гумрукии «Панҷи Поён», зимни муоинаи гумрукии нақлиёти боркаши «Дулон», рақами қайди давлатиаш ТҶ 36 — 14 ВК 01, ки аз ҷониби шаҳрванди 33-солаи Тоҷикистон Т.И. идора мегардид, 186 дона маводи дорувории «Gelofusine», 7 ҳазору 500 ампула маводи дорувории «Diazepam injection» ва 840 дона балзами «Clometasol 0.05%» ошкор ва мусодира намуданд.
Манбаъ итттилоъ медиҳад, ки шаҳрванд Т.И. мехост бидуни назорати гумрукӣ ва санадҳои тасдиқкунанда маводҳои дорувориро ба қаламрави Тоҷикистон ворид намояд.
Гуфта мешавад, ки нисбат ба шаҳрванд Т. И. бо моддаи 200 қисми 2 — и Кодекси ҷиноятии Тоҷикистон парвандаи ҷиноятӣ боз шуда, ба Прокуратураи ноҳияи Ҷайҳун ирсол гардидааст.