Нақши Вазорати молияи Тоҷикистон дар парвандаи "Умед 88"

Бо вуҷуди боздошти мудирон ва масъулони ширкати таъмини сӯхти мавсум ба "Умед 88", нақши Вазорати молияи Тоҷикистон дар қазияи дарёфти воми ин ширкат дар ҳолае аз ибҳом қарор дорад.

Ба гузориши Азия Плюс, ин тасҳилот ба маблағи 171 миллион сомонӣ аз Ҷамъияти саҳомии хоси неругоҳи барқи обии Роғун гирифта шудааст.

Акнун ки мушаххас шуда воми додашуда ба ширкати "Умед 88" бидуни мусоидати Вазорати молияи Тоҷикистон ғайримумкин буда ва ин муомила ба иллати надоштани муҷаввизи Ҳукумат ва Маҷлиси намояндагон, нақзи қонунҳои Тоҷикистон аст, зоҳиран ҳеҷ иттиҳоме мутаваҷҷеҳи ин вазорат нест.

Бар асоси қонунҳои ҳуқуқии Тоҷикистон, ниҳодҳои давлатӣ бидуни пешниҳоди Ҳукумат ва тасвиби Маҷлиси намояндагон, ҳаққи додани вом аз будҷаро ба ширкатҳои хусусии монанди "Умед 88" надоранд.

Эмомалӣ Раҳмон раиси Ҷумҳурии Тоҷикистон дар дидор бо фаъолони бахши хусусии ин кишвар мутазаккир шуда буд, ки моликони ширкати "Умед 88" аз будҷаи давлат маблағи 171 миллион сомонӣ (муодили 20 миллион доллар) вом гирифтаанд.

Вай гуфта буд, ин вом бо суди солона 18 дарсад ба ширкати "Умед 88" дода шуда, дар ҳоле ки дар Тоҷикистон ихтисоси вом ба сомонӣ (воҳиди пули милли Тоҷикистон) бо суди 30 ва чаҳор даҳуми дарсад таъйин шудааст.

Дар гузориши Ожонси давлатии мубориза бо фасоди молии Тоҷикистон, ҳеҷ ишорае ба нақши Вазорати молияи ин кишвар дар ин муомилаи ғайриқонунӣ нашудааст.

Ин дар ҳоле аст, ки дар ин гузориш боздошти Раҷабалӣ Одинаев ва Идибек Иброҳимов мудир ва муовини ширкати таъмини сӯхти "Умед 88", ки муттаҳам ба дарёфти вом аз чанд бонк ва ниҳоди молӣ, аз ҷумла Ҷамъияти саҳомии хоси неругоҳи барқи обии Роғун ҳастанд, таъйид шудааст.