Ихтилофи “Гуруҳи 24” бо Ҳизби наҳзати исломии Тоҷикистон
“Гуруҳи 24”, як созмони мухолифи ҳукумати Тоҷикистон эълон кард, ки ҳамкорӣ бо Ҳизби наҳзати исломии Тоҷикистон (ҲНИТ)-ро қатъ мекунад.
Ба иттилои Ахбор, ин ҷудоӣ ба маънои барбод рафтани талошҳо барои сохтани эътилофи нирӯҳои мухолифини тоҷик аст.
Ҳаракати сиёсии дар Тоҷикистон феълан мамнӯи “Гуруҳи 24” бо нашри як баёния эълон кард, ки ҳамкорӣ ва муносибатҳои сиёсисашро бо ҳизби низ дар Тоҷикистон феълан мамнӯи наҳзати исломӣ комилан қатъ мекунад.
Дар изҳороти “Гуруҳи 24” аз 20 январ бидуни ироаи ҷузъиёт “сиёсатҳои носанҷида ва кӯшиши дахолати муғризона ва бенатиҷаи ҳзиби наҳзати исломии Тоҷикистон” ҳамчун далели қатъи ҳамкориаш бо ҲНИТ ном бурда мешавад.
“Гуруҳи 24” дар идомаи баёнияаш таъкид кардааст, ки ҳадафи аслиаш ҳамчунон мубориза бо ҳукумати Эмомалӣ Раҳмон боқӣ мемонад.
Ихтилофи қаблӣ дар Анҷумани нирӯҳои созандаро, ки тобистони соли 2017 рух дод, бисёриҳо кори дасти мақомоти Тоҷикистон номида буданд.
Додгоҳи олии Тоҷикистон 9 октябри соли 2014 фаъолияти "Гуруҳи 24”-ро расман манъ ва ин созмонро ба рӯйхати созмонҳои ифротӣ ворид кард. Сабаби ин тасмим баргузории намоишҳои эътирозӣ ба зидди ҳукумати Тоҷикистон бо ҷалби муҳоҷирони тоҷик дар шаҳрҳои Русия ва даъвати мардум ба як эътирози ниҳоӣ дар маркази Душанбе буд.
Фаъолияти ҳизби наҳзати исломии Тоҷикистон 28 сентябри соли 2015, дар пайи саркӯби ошӯби генерал Абдуҳалим Назарзода (Ҳоҷӣ Ҳалим) бо қарори Додгоҳи олӣ манъ гардида, ин ҳизб ба рӯйхати созмонҳои ҳам ифротӣ ва ҳам террористӣ шомил карда шуд.