Сафари расмии раисҷумҳури Покистон ба Тоҷикистон
Июн 19, 2018 06:11 Asia/Dushanbe
Раисҷумҳури Покистон барои анҷоми сафари расмӣ вориди шаҳри Душанбе шуд.
Ба гузориши “Авесто”, Мамнун Ҳусейн, раисҷумҳури Покистон ва ҳайати ҳамроҳаш имрӯз бо мақомоти аршади Тоҷикистон дидору гуфтугӯ мекунад. Қарор аст, раисҷумҳури Покистон тайи ин сафари 4-рӯза бо Эмомалӣ Раҳмон, раисҷумҳур, Шукурҷон Зуҳуров, раиси Маҷлиси намояндагон ва Қоҳир Расулзода, нахуствазири Тоҷикистон музокираи расмӣ анҷом диҳад.
Фардо, 20-уми июн Мамнун Ҳусейн дар радифи соири мақомоти олирутбаи хориҷӣ дар конфронси байналмилалӣ ба унвони "Об барои рушди пойдор-2028-2018" ширкат мекунад. Ин конфронс ба мизбонии Душанбе ва бо ҳамкории Созмони Милал ва дигар созмонҳои муътабари байналмилалӣ доир хоҳад шуд.