Дидори нахуствазири Тоҷикистон бо раиси Палатаи ҳисоби Чин
Июл 03, 2018 19:04 Asia/Dushanbe
Нахуствазири Тоҷикистон ва раиси Палатаи ҳисоби Чин бо якдигар дидор ва бар густариши ҳамкориҳои дуҷониба таъкид карданд.
Ба гузориши радиои тоҷикии Садои Хуросон, Қоҳир Расулзода, нахуствазири Тоҷикистон ва Хю Зе Чун, раиси Палатаи ҳисоби Чин дидор ва гуфтугӯ карданд.
Дар ин мулоқот масоили марбут ба ҳамкориҳои дуҷониба ва чандҷониба дар арсаҳои мавриди алоқаи дутараф баррасӣ шуд.
Таъкид шуд, Палатаи ҳисоби Тоҷикистон ва Палатаи ҳисоби Чин аъзои фаъоли созмонҳои минтақаӣ ва байналмилалӣ ва Шӯрои раисони ниҳоди аслии ҳисоби кишварҳои узви Созмони ҳамкории Шанҳай мебошанд.