Дастмуздҳои ақабафтода дар Тоҷикистон ба 46 миллион сомонӣ расид
Октябр 09, 2019 11:51 Asia/Dushanbe
Дастмуздҳо ва маошҳои ақабафтода дар Тоҷикистон аз ибтидои имсол бо эҳтисоби бадеҳии солҳои қабл ба 46 миллиону 100 ҳазор сомонӣ расидааст.
Ба нақл аз сомонаи Авеста, ин маблағ аз ибтидои имсол беш аз 7 миллион сомонӣ афзоиш ёфтааст.
Бар асоси эъломи Агентии давлатии омори Тоҷикистон, болотарин мизони маош ва дастмуздҳои моҳиёна ба кормандони бонкҳо ва поинтарини он ба кишоварзон пардохт мешавад.
Дар ҳашт моҳи гузашта кормандони бонкҳо ва ниҳодҳои молӣ бо 3 ҳазору 338 сомонӣ (муодили 344 доллар), болотарин маоши моҳиёнаро дар Тоҷикистон дарёфт кардаанд.
Аммо кишоварзон, муҳитбонон ва коргарон моҳиёна 536 сомонӣ (наздик ба 53 доллар) маош дарёфт мекунанд, ки поинтарин мизони маоши дастмузд дар Тоҷикистон ба ҳисоб меояд.