Афзоиши мубодилоти тиҷории Тоҷикистон бо Афғонистон ва Швейтсария
Мубодилоти тиҷории Тоҷикистон бо Афғонистон аз ағози имсол 45 дарсад ва бо Швейтсария 19 баробар афзоиш ёфтааст.
Ба гузориши “Форс”, бинобар гузориши ниҳодҳои иқтисодии Тоҷикистон, Афғонистон илова бар маҳсулоти ғизоӣ, барқ, семент ва анвои дигари масолеҳи сохтмонӣ ба воридоти пахта аз ин кишвар рӯй овардааст. Пеш аз ин пахтаи Тоҷикистон ба сурати хом ба Русия, Чин ва Туркия содир мешуд, ки акнун ҷуғрофияи содироти он ба самти кишварҳои осиёӣ густариш ёфтааст. Дар ҳоли ҳозир мизони арзаи пахтаи Тоҷикистон ба Афғонистон рӯшан нест, аммо бинобар изҳороти мақомоти зирабти ин кишвар суръати содироти он ба Кобул рӯ ба рушд аст.
Мубодилаи тиҷории Тоҷикистону Афғонистон тайи 10 моҳи соли ҷории милодӣ беш аз 89 миллион доллар баровард шуда, ки дар муқоиса бо замони мушобеҳи соли гузашта 44.9 дарсад рушд кардааст. Бояд гуфт, беш аз 89 дарсад аз ин маблағ бо содироти маҳсулоти тоҷикӣ ба ин кишвар муртабит аст.
Гардиши молии Тоҷикистону Швейтсария низ тайи ин давра 19 баробар рушд карда ва ба беш аз 232.6 миллион доллар расидааст, ки 224.8 миллион доллар аз он ба содироти маҳсулоти тоҷик муртабит аст.
