Мизони даромади ирсолии коргарони муҳоҷири тоҷик, бештар аз сармоягузории хориҷӣ дар Тоҷикистон
Мизони даромади ирсолии коргарони муҳоҷири тоҷик аз Русия ба кишварашон бештар аз мизони сармоягузории хориҷӣ дар Тоҷикистон шудааст.
Ба нақл аз сомонаи Авесто, дар солҳои 2013 то 2019 ҳудуди 3 миллиард доллар дар иқтисоди Тоҷикистон сармоягузории хориҷӣ шудааст, аммо ин дар ҳоле аст,ки дар ин муддат даромади ирсолии коргарони муҳоҷири тоҷик ба Тоҷикистон ҳудуди 15 миллиард доллар будааст.
Агар ба ин омор 3 миллиард доллар даромади ирсолии имсоли коргарони тоҷик аз Русия ба Тоҷикистон ҳам изофа шавад ин адад ба 18 миллиард доллар хоҳад расид,ки шаш баробар бештар аз сармоягузории хориҷӣ дар иқтисоди ин кишвар дар солҳои 2013 то 2019 аст.
Ба далели фаъолияти бештари коргарони муҳоҷири тоҷикистонӣ дар Русия мизони даромади ирсолии солонаи онон ба кишварашон муодили 30 дарсад аз маҷмуъи тавлиди нохолиси миллии ин ҷумҳурӣ эълом шудааст.
Аз дидгоҳи коршиносон даромади ирсолии коргарони муҳоҷири тоҷик аз Русия омили муҳиме барои таъмини ниёзи маишатии хонаводаҳо, ҳифзи суботи иҷтимоӣ ва таъодули нисбӣ дар бозори муомилоти арзии Тоҷикистон аст зеро дар ин кишвар мизони воридоти себаробари содирот аст.
Дар 10 моҳи имсол, даромади Тоҷикистон аз содироти 1 миллиард ва 72 миллион доллар будааст, ҳамчунин дар ин муддат ин ҷумҳурӣ 2 миллиарду 997 миллион доллар ҳам коло ворид кардааст.
