Карантини беш аз 5 ҳазор нафар дар Тоҷикистон
Беш аз 5 ҳазор нафар дар робита бо пешгирӣ аз бемории коронавирус дар Тоҷикистон карантин шуданд.
Бар асоси эъломи Вазорати тандурустӣ ва ҳифзи иҷтимоии аҳолии Тоҷикистон, аз аввали феврал то 23 март, карантине дар маҷмӯъ барои 5 ҳазору 338 нафар, ки аз хориҷ вориди ин кишвар шудаанд иҷроӣ шуд.
Аз 23 март, 1 ҳазору 981 нафар карантинро тарк кардаанд, дар ҳоли ҳозир 3 ҳазору 57 нафар дар карантин ҳастанд. 107 нафар аз карантиншудаҳо шаҳрвандони хориҷӣ ҳастанд.
Ин вазоратхона муддаӣ аст тамомии шароит барои карантин муносиби афрод фароҳам шудааст. Ин дар ҳолест, ки шабакаҳои иҷтимоӣ ва бархе манобеи хабарӣ қаблан аз шароити номуносиби беҳдоштӣ дар маконҳои карантин дар атрофи Душанбе хабар дода буданд. Бо ин ҳол мақомоти Тоҷикистон эълом кардаанд ҳанӯз ҳеҷ мавриде аз ибтило ба коронавирус дар Тоҷикистон сабт нашудааст.