Радди иддаои Созмони Миллал дар мавриди корона аз сӯи Вазорати тандурустии Тоҷикистон
Вазорати тандурустии Тоҷикистон як гузориши Созмони Миллалро дар иртибот бо бемории коронавирус рад кард.
Ба гузориши Садои Хуросон, дар ин гузориш дар бораи камбуди маводи озмоишгоҳӣ барои ташхиси КОВИД-19 дар Тоҷикистон ибрози нигаронӣ шудааст.
Мушкил дар анҷоми озмоишҳо дар Тоҷикистон аз замони шурӯи ин беморӣ мауҷиби нигаронӣ буда ва коршиносон борҳо гуфтаанд, ки теъдоди озмоишҳо кофӣ нест.
Ин дар ҳоле аст, ки Вазорати тандурусии Тоҷикистон муддаӣ аст гузориши Созмони Миллал ҳақиқат надорад ва ин сохтор аз имконоти кофӣ барои ташхиси бемории КОВИД-19 бархурдор аст.
Мақомоти Тоҷикистон мегӯянд теъдоди мавориди вируси корона дар ин кишвар коҳиш ёфтааст.
Агар як моҳи пеш, тибқи омори расмӣ, беш аз 50 нафар ҳар рӯз бо вируси корона сабт мешуданд , акнун мақомот эълом карданд, ки фақат 30 то 40 нафар дар рӯз сабтином мекунанд.
Гузориши Созмони Миллал мегӯяд, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад.
