Pars Today

Мақоми Вазорати тандурустии Русия аз омодагии кишвараш барои фиристодани мутахассис ва таҷҳизоти пизишкӣ ба Тоҷикистон барои мубориза бо корона хабар дод.

Ба гузориши радиои тоҷикии Садои Хуросон ба нақл аз сомонаи Спутник, дар ройзании Ғафур Муҳсинзода муовини аввали вазири тандурустии Тоҷикистон ва Наталя Юрова мутахассиси аршади бемориҳои уфунии Вазорати тандурустии Русия, ки аз тариқи иртиботи тасвирӣ анҷом шуд, масоили марбут ба ҳамкории ду кишвар дар заминаи мубориза бо Ковид - 19 мавриди баррасӣ қарор гирифт.

Дар ин ройзанӣ мудирон ва масъулони идораҳои тандурустии шаҳрҳо ва навоҳии Тоҷикистон низ ширкат ва дар бораи таҷрибаҳои ба даст оварда дар дармони беморони Ковид -19 табодули назар карданд .

Мутахассиси аршади бемориҳои уфунии Вазорати тандурустии Русия дар бораи таҷрибаҳои тарафи русӣ дар мубориза бо Ковид -19, тадбирҳое андешидашуда дар ин кишварро барои ташхиси сариъи беморон ва натоиҷи аввалияи озмоиши ваксинаи русии зидди корона итилоъ дод.

Хонум Наталя Юрова таъкид кард: "Русия барои кӯмак ба Тоҷикистон дар заминаи мубориза бо вируси корона омодааст ва дар сурати лузум мутахассис ва таҷҳизот ба ин кишвар ирсол хоҳад кард."

•  бештар бихонед:

Ҳушдори Вазорати тандурустӣ ва ҳифзи иҷтимоии аҳолии Тоҷикистон ба мардуми кишвар

Зарурати ислоҳоти сохторӣ дар Вазорати тандурустии Тоҷикистон барои мубориза бо коронавирус

Посухи Вазорати тандурустии Тоҷикистон ба дархости  ҷомеаи шаҳрвандии ин кишвар

Русия ниёзи Тоҷикистонро ба ваксина таъмин мекунад