Pars Today

Мақомоти ҳукуматии Тоҷикистон дар нишасте ба раёсати Эмомалӣ Раҳмон тарҳи буҷети соли 2021-и ин кишварро баррасӣ карданд.

Ба гузориши радиои тоҷикии Садоии Хуросон ба нақл аз сомонаи Спутник, буҷети ҳукумати Тоҷикистон барои соли оянда 27 миллиарду 600 миллион сомонӣ пешбинӣ шуда, ки дар муқоиса бо буҷети имсол як миллиарду 600 миллион сомонӣ баробар бо  6 аз даҳ 1 дарсад бештар аст.

Бахши даромадии буҷети ҳукумати Тоҷикистон низ барои соли 2021 ба мизони 20 миллиарду 600 миллион сомонӣ пешбинӣ шуда, ки дар муқоиса бо буҷети имсол як миллиард сомонӣ бештар аст.

Ҳамчунин барои бахши ҳазинаии буҷети ҳукумати Тоҷикистон дар соли оянда 28 миллиарду 100 миллион сомонӣ дар назар гирифта шудааст.

• Тадвини тарҳи буҷети соли ояндаи ҳукумати Тоҷикистон бо шароити коронаӣ

Бар асоси ин тарҳ 18 миллиарду 800 миллион сомонӣ аз бахши даромадии буҷети соли оянда аз дарёфти андоз ва як миллиарду 400 миллион сомонӣ аз дигар манобеъ ва кумакҳои билоивази байналмиллалӣ таъмин хоҳад шуд.

Дар буҷети давлати Тоҷикистон барои соли оянда 13 миллиарду 200 миллион сомонӣ барои бахшҳои иҷтимоӣ дар назар гирифта шуда, ки 47 дарсад аз кулли буҷет аст.

Бештар бихонед:

• Мушкилсозии як ширкати қарздори молиётӣ барои таъмини будҷаи Хатлон

• Чолиши барномаи иштиғолзоии ҳукумати Тоҷикистон бо корона ва бозгашти муҳоҷирон

• Пардохт нашудани 14 миллион доллар манобеи буҷет ба бахши тандурустии Тоҷикистон