Панҷ савол аз масъулони ширкатҳои ҳавопаймоӣ ва фурудгоҳи Душанбе
Тоҷикистон дар бораи шароити бади зиндагии кормандони ширкатҳои "Соман Эйр" ва "Тоҷик Эйр" ва фурудгоҳи байналмилалии Душанбе, ки моҳҳо маош нагирифтаанд панҷ савол додааст.
Ба гузориши радиои тоҷикии Садои хуросон ба нақл аз сомонаи pressa.tj, дар номаи ин нашрия ба директори фурудгоҳи байналмилалии Душанбе Исматуллоҳ Абдуллозода, директори "Тоҷик Эйр" Дилшод Исматуллозода ва директори ширкати "Сомон Эйр" Томас Ҳалам таъкид шудааст: "Чанд моҳ аст, ки кормандони муассисаҳои таҳти роҳбарии шумо маош нагирифтаанд ва дар ин бора борҳо ба рӯзномаи Тоҷикистон шикоят кардаанд."
Ҳамчунин дар фазои маҷозӣ низ матолиби зиёде аз моҳҳо маош нагирифтани ин коркунон мунташир мешавад.
Рӯзномаи Тоҷикистон 5 савол дода, таъкид кардааст, ки посухи масъулини фурудгоҳи Душанбе ва ширкатҳои ҳавопаймоиро мунтазир аст:
Ин нашрия пурсидааст: "Бо оғози паҳншавии Ковид -19, чанд корманд ба рухсатии бемузд рафтанд?" Чанд моҳ аст, ки маоши онҳо пардохт нашудааст? Кай кормандон ба кор меоянд? Оё ҳангоми рухсатии бемузд ба ягон корманд кӯмак расонида шудааст? "Ва агар ин вирус идома ёбад ва маҳдудиятҳои парвоз идома ёбад, бо ин одамон чӣ хоҳад шуд?"
Ахиран корманди бахши амниятии фурудгоҳи Душанбе Шерафкан Хоҷақулови 38 сола даст ба худкушӣ зад, ки сабаби ин иқдоми вай 9 моҳ маош нагирифтанаш унвон шудааст.
Бештар бихонед:
