Рахти сафеди барф бар андоми тирамоҳии Тоҷикистон+ акс

Ноябр 14, 2020 13:12 Asia/Dushanbe

18 ва 19 ноябр дар бештари манотиқи Тоҷикистон барф меборад

Бориши нахустин барфи тирамоҳӣ манотиқи мухталифи кӯҳистонии Тоҷикистонро сафедпуш кард.

Ба гузориши сомонаи Тоҷ Вик, сокинони ноҳияҳои Деваштич, Дарвоз ва Варзоб, шоҳиди бориши нахустин барф тирамоҳӣ буданд.

Корбарони шабакаҳои иҷтимоӣ ва рузноманигорон бо ирсоли аксҳое аз вилоятҳои Суғду Бадахшон ва манотиқи шимолии шаҳри Душанбе, саҳнаҳои зебое аз бориши барфро ба иштирок гузоштаанд.

Барф вилоятҳои Суғд, Бадахшон ва манотиқи шимолии шаҳри Душанберо сафедпуш кард

Идораи ҳавошиносии Тоҷикистон низ эълом кардааст, ки рузҳои 18 ва 19 ноябр дар бештари манотиқи ин кишвар барф меборад ва дамои ҳаво ба зери сифр мерасад.

Бар ин асос дар нимаи дувуми моҳи декабр коҳиши дамои ҳаво ба 15 дараҷа зери сифр пешбинӣ шуда ва аз ронандагон ва мусофирон дархост шудааст, ки ҳангоми ҳаракат дар ҷодаҳои куҳистонӣ зимни риояти муқаррароти ронандагӣ таҷҳизоти эминӣ бо худ ба ҳамроҳ дошта бошанд.