Тоҷикон дар Урали Русия аз кадри дармонии бемористони пешкисватон қадрдонӣ карданд
-
Дар ин барнома барои кадри дармонӣ ва беморони ин бемористон палави тоҷикӣ пухта шуд
Созмонҳои тоҷикони муқими вилоятҳои Челябинск ва Свердловский дар минтақаи Урали Русия аз заҳамоти кадри дармонии бемористони низомии вижаи пешкисватон қадрдонӣ карданд.
Ба гузориши сомонаи Тоҷ вик, дар маросиме дар бемористони низомии вижаи пешкисватон дар шаҳри Екатеринбург аз заҳамоти кадри дармонии ин марказ дар шароити густариши вируси корона қадрдонӣ шуд.
Кормандони сарконсулгарии Тоҷикистон дар шаҳри Екатеринбург Беҳрӯз Холиқов ва намояндаи вазорати кор ва муҳоҷирати Тоҷикистон дар минтақаи Урал низ дар ин маросим ширкат карданд.
Дар ин барнома барои кадри дармонӣ ва беморони ин бемористон палави тоҷикӣ пухта ва ба пизишкон ва парасторон ҷавоизе эҳдо шуд.
Дар миёни кадри дармонии ин бемористон аз заҳамоти Ҷамшед Ҷабборов, пизишки тоҷики ин маркази дармонӣ низ дар дармони беморони мубтало ба Ковид 19 қадрдонӣ шуд.
БЕШТАР БИХОНЕД:
