Палатаи савдои Осиёи Марказӣ дар Тоҷикистон оғоз ёфт
-
Палатаи савдои Осиёи Марказӣ дар Тоҷикистон оғоз ёфт
Маркази тиҷоратӣ ва хизматрасонӣ дар Тоҷикистон ҳамчун Палатаи савдои Осиёи Марказӣ таъсис дода мешавад.
Ба гузориши радиои тоҷикии Садои Хуросон ба нақл аз Вазорати молияи Тоҷикистон ин марказ бо ҳадафи иртиботи бештари корофаринон ва тавлидкунандагони Осиёи марказӣ ифтитоҳ хоҳад шуд.
Созмондиҳӣ ва фаъолияти ин марказ дар ҳоли баррасӣ аст.
Дар моҳи феврали соли ҷорӣ теъдоде аз гурӯҳҳои тиҷорӣ ва сармоягузории кишварҳои ҳамсоя барои ширкат дар ин тарҳ ба Тоҷикистон сафар карданд.
Ин тарҳро ширкати «Девори ҷаҳон», ки аз шуракоии ширкати сармоягузорӣ ва тавлидии « Ориёнинвест»аст, иҷро хоҳад кард.
Палатаи савдои Осиёи марказӣ тавлидкунандагон ва ширкатҳои мухталиф дар Тоҷикистон, Узбакистон, Қазоқистон, Қирғизистон ва Туркияро ба ҳам муттаҳид мекунад.
Ҳамзамон дар қолиби ин пружа дар шаҳри Душанбе роҳандозии як намоишгоҳи доимии молҳо ва маҳсулоти кишварҳои ширкаткунанда дар ин пружа барномарезӣ шудааст.
Ба таври куллӣ, барномарезӣ шудааст, ки фаъолияти ин сохтор тамоми равобити тиҷорӣ ва сармоягузорӣ дар ҳамаи мароҳил, назири ҷазби сармоягузорон, тавсеъаи пружаҳо ( дар сӯрати лузӯм ), музокирот, ироаи хадамоту кумакҳои ҳуқуқӣ, ҳамкорӣ, тарвиҷи сармоягузорӣ ва маҳсулоти Тоҷикистонро дарбар хоҳад гирифт.
Бештар бихонед:
