Рекорди торихии табодулоти рейлии Эрону Афғонистон бо рушди 17 баробарӣ

Порс тудей - Роҳи оҳани Ҷумҳурии исломии Эрон аз афзоиши 17 баробарии мубодилоти рейлӣ бо Афғонистон дар соли ҷорӣ хабар дод ва эълом кард, ки то поёни сол аз марзи рейлии Шамтеғи Хоф беш аз 750 ҳазор тон коло ҷо ба ҷо хоҳад шуд.

Ба гузориши Порс тудей ба нақл аз ИРНА, Шаҳриёри Нақизода, мудири кулли бозаргонии хориҷии Роҳи оҳани Ҷумҳурии исломии Эрон аз сабти рушди бе собиқаи 17 баробарӣ дар табодулоти рейлӣ байни Эрону Афғонистон хабар дод. Вай бо ишора ба амалкарди марзи рейлии тозатаъсиси Шамтеғ дар устони Хуросони разавӣ, дар шарқи Эрон ин афзоишро ҳосили тавсеаи зерсохтҳои ҳамлу нақл ва осонсозии тиҷорат бо кишвари ҳамсояи шарқӣ донист. Нақизода эълом кард, ки мизони колоҳои ҷобаҷошуда аз тариқи ин марзи рейлӣ аз марзи 650 ҳазор тон убур кардааст. Вай афзуд : « Пешбинӣ мешавад ин рақам то поёни сол аз 750 ҳазор тон низ фаротар равад. » Ба гуфтаи ин мақоми масъӯл , ҳаддиақал 150 ҳазор тон аз ин маҳмӯлаҳо марбут ба транзити коло аз кишварҳои сеюм аз ҷумла Аморот , Кувайт ва Русия ба мақсади Афғонистон будааст.
Ҷаҳиши содирот ва ҳадафгузорӣ барои убӯр аз марзи 2 миллион тон
Мудири кулли бозаргонии хориҷии Роҳи оҳани Ҷумҳурии исломии Эрон бо ишора ба имконияти фаровони ин масири рейлӣ барои тавсеаи тиҷорати минтақаӣ , ҳадафгузории соли оянда ( 1405 )ро убури 2 миллион тон коло аз марзи Шамтеғ эълом кард ва ин ҳадафро « ба роҳатӣ даст ёфтанӣ » тавсиф намуд.
Пештар низ мудири омили Роҳи оҳани Ҷумҳурии исломии Эрон аз таҳаввули чашмгир дар ҳамлу нақли рейлӣ ба Афғонистон хабар дода буд. Бар асоси эъломи вай , мизони бори ҷобаҷошуда аз ин масир дар даймоҳи имсол ба 70 ҳазор тон ва дар баҳманмоҳ ба беш аз 100 ҳазор тон расид. Ин мақоми масъӯл уфуқи ҷобаҷоии бор барои соли ояндаро болои 1.5 миллион тон баровард кардааст.
Ба гуфтаи масъӯлони Роҳи оҳани Эрон , маҳмӯлаҳои содиротӣ аз ҷумла серамик аз Язд ва фӯлод аз ширкатҳои мухталиф ва ҳамчунин транзити маводи нафтӣ аз тариқи ин марзи рейлӣ ба Афғонистон анҷом мешавад. Мудири омили Роҳи оҳан бо ишора ба таъсири иқтисодии ин масир , эълом кард, ки ҳамли рейлӣ нархи ҳар тон маводи нафтиро дар дохили хоки Афғонистон аз 1400 доллар ба 935 доллар коҳиш додааст, ки нишондиҳандаи баҳраварии болои ин шеваи ҳамлу нақл барои тоҷирон ва масрафкунандагони афғонистонӣ аст.