Тоҷикистон бояд нерӯгоҳҳои бодии бештаре бисозад
-
Арзиши сохтмони нерӯгоҳҳои бодӣ нисбат ба нерӯгоҳҳои барқӣ хеле арзонтар аст
Профессори Донишгоҳи молияи (молияи) марбут ба Ниҳоди Раёсати ҷумҳурии Русия ва коршиноси масоили энержӣ бар ин назар аст, ки Тоҷикистон бояд ба далели шароити кӯҳистонӣ ва камбуди захоири гази табиӣ ба нерӯи барқ рӯ орад.
Ба гузориши радиои тоҷикии Садои Хуросон ба нақл аз сомонаи Спутник, Станислави Митрахович бо ишора ба вазиши бодҳои шадид дар баъзе манотиқи кӯҳистонии Тоҷикистон дар чаҳор фасли сол изофа кард: Метавон бо насби турбинҳои бодӣ аз ин манба барои тавлиди барқи арзон истифода кард.
Вай изофа кард: Аз сӯи дигар ҳазинаи сохти нерӯгоҳҳои бодӣ ба маротиби камтар аз нерӯгоҳҳои барқи обист ва барои муҳити зист низ хатаре надорад.
Профессори донишгоҳ қайд кард, ки Тоҷикистон солҳои охир бо сабаби кам шудани барф дар зимистон ва захираи нокофии об дар сарбандҳои нерӯгоҳ ба бӯҳрони шадиди норасоии нерӯи барқ дучор омад ва маҷбур буд тақсимоти нерӯи барқро оқилона ба роҳ монад; Ин дар Тоҷикистон аз оғози зимистони имсол рух дод ва то ба имрӯз маҳдудиятҳои интиқоли барқ дар деҳоти кишвар идома дорад.
Митрахович афзуд: ба иллати тағироти зисти муҳит, об шудани пиряхҳо дар кӯҳистонҳоу коҳиши захоири об дар Тоҷикистони беҳтар аст ки ин кишвар ба дунболи сохти нерӯгоҳҳои бодии бештар бошад.
Бештар бихонед:
