Pars Today

Раиси ҷумҳӯрии Тоҷикистон эълом кард, ки тасмим дар бораи поёни карантина дар кишвар дуруст буд ва баъзеи кишварҳо аз Тоҷикистон нобудии коронаро меомӯзанд .

  Ба гузориши радиои тоҷикии Садои Хуросон ба нақл аз сомонаи Топтҷ, Эмомалӣ Раҳмон ҳангоми ифтитоҳи Кохи фарҳанг дар минтақаи Ворухи ноҳияи Исфара гуфт : «Идомаи карантинаи саросарӣ муҷиби буҳрони камбуди ғизо дар Тоҷикистон ба далели коҳиши фаъолиятҳои иқтисодӣ мешуд ва тасмим гирифта шуд, ки маҳдудиятҳо поён ёбад . »

  Раҳмон таъкид кард ба далели сафед шудани авзоъи коронаӣ дар Тоҷикистон, тасмими поёни карантина иқдоми саривақтӣ ва дуруст буд .

  Вай таъкид кард, ки бархе кишварҳо дар ҳоли омӯзиши таҷрибаи муваффақи Тоҷикистон дар заминаи нобудии бемории Ковид 19 мебошанд .

    Раиси ҷумҳӯри Тоҷикистон ба кишвари мушаххасе ишора накард .

    Вай муътақид аст, ки дар ҷаҳон акнун бемории корона ранги сиёсӣ ба худ гирифтааст, вале аксари кишварҳо дар бораи бемориҳои дигар, назири СПИД сукут ихтиёр кардаанд .

    Ба гуфтаи оқои Раҳмон аз аввали январи имсол ҳеч мавриди нави бемории Ковид 19 дар Тоҷикистон ба қайд гирифта нашуда, вале мардум бояд ба тавсияҳои беҳдоштӣ ҳамчунон пойбанд бошанд .

  Бар асоси омори Вазорати тандурустӣ ва ҳифзи иҷтимоии аҳолии Тоҷикистон 13 ҳазору 308 нафар дар ин кишвар ба Ковид 19 гирифтор  шуда ва 90 тан ҷони худро аз даст додаанд .

  Бештар бихонед :

• Эмомалӣ Раҳмон: Ворух ба Қирғизистон вогузор намешавад

• Хисорати 174 миллиондолларии корона ба гардишгарии Тоҷикистон

• Тавзеҳоти Вазорати тандурустии Тоҷикистон дар бораи вазъияти сафеди корона дар ин кишвар