Даргирии дубора дар ноҳияи марзии муштараки Тоҷикистону Қирғизистон
Кумитаи амнияти миллии Тоҷикистон аз даргирии мусаллаҳона дар ноҳияи марзии муштарак бо Қирғизистон хабар дод .
Ба гузориши радиои тоҷикии Садои Хуросон ба нақл аз Кумитаи амнияти миллии Тоҷикистон дар баёнияи ин кумита омадааст ҳудуди соъати 14-у 55 дақиқаи 8 июл чанд марзбони Қирғизистон ғайриқонунӣ аз деҳаи марзии Росровути ноҳияи Деваштичи вилояти Суғд гузар карданд ва вориди қаламрави Тоҷикистон шуданд .
Бар асоси ин баёния бархе аз марзбонони Қирғизистон либоси низомӣ ва теъдодӣ низ либоси шахсӣ бар тан доштанд ва муҷаҳҳаз ба силоҳи Калашников буданд .
Кумитаи амнияти миллии Тоҷикистон дар идомаи баёния эълом кард:Онҳо қасд доштанд 9 асбро аз ноҳияи Деваштичи Тоҷикистон ба Қирғизистон қочоқ кунанд .
Мақомоти марзбононии Тоҷикистон низ эълом карданд: Мутаҷовизони қирғизӣ ба ихторҳои гуногуни марзбонони тоҷикӣ беэътино буданд ва ба самти низомиёни Тоҷикистон шиллик карданд .Онҳо дар идома гуфтанд ду марзбони Қирғизистон низ дар тирандозии ҷавобии тоҷикҳо захмӣ шуданд .
Мақомоти Тоҷикистон дар ҳоли баррасии ин ҳодиса ҳастанд .
