Ҳамкории Тоҷикистон ва Чин дар мубориза бо терроризм
Май 30, 2022 12:55 Asia/Dushanbe
Муовини вазири умури хориҷаи Тоҷикистон бо намояндаи вижаи Вазорати умури хориҷаи Чин дар умури амниятӣ дидор кард.
Ба гузориши сомонаи Вазорати умури хориҷаи Тоҷикистон, Фарҳод Салим ва Чин Гупин дар ин дидор дар бораи андешидани тадбирҳои муштарак аз сӯи Тоҷикистон ва Чин барои муқобила бо паёмадҳои бемории Ковид – 19, мубориза бо терроризм, ифротигарӣ, гуруҳҳои ҷиноии созмонёфтаи фаромиллӣ ва қочоқи маводи мухаддир дар минтақа баҳсу табодули назар карданд.
Ҳамчунин дар ин дидор авзои амниятии Афғонистон ва таъсири он ба кишварҳои Осиёи Марказӣ баррасӣ шуд.