Содироту таъмини силоҳҳои Русия ба Тоҷикистон
Вазирони дифои Тоҷикистону Русия дар ҳошияи нишасти вузарои дифои Созмони ҳамкории Шанхай аз қасди Маскав барои содироти силоҳу таҷҳизоти низомӣ ба тарафи тоҷик хабар доданд .
Нишасти вузарои дифои кишварҳои узви ҳамкории Шанхай ва кишварҳои ИДМ рӯзи ҷумъа дар мавриди амнияти байналмиллалӣ ва минтақаӣ ва ҳамчунин ҳамкориҳои дифоӣ ва амниятӣ дар Маскав баргузор ва дар поён баёнияи муштараке имзо шуд .
Ба гузориши радиои тоҷикии Садои Хуросон ба нақл аз хабаргузории ТАСС, Сергей Шайго-вазири дифои Русия дар ҷараёни гуфтугу бо Шералӣ Мирзо-вазири дифои Тоҷикистон гуфт : Ҳамкории низомии Маскаву Душанбе омили ҳаётӣ барои субот дар Осиёи марказӣ аст .
Шайго афзуд : « Мо қасд дорем ба таври мудовим барномаҳои муштаракро барои тазмини амнияти минтақа иҷро кунем ва баҳамин манзур ба ироаи кумакҳои низомӣ ва фаннӣ ва кумак ба тақвияти тавоноиҳои размии неруҳои мусаллаҳи Тоҷикистон идома хоҳем дод, ки азҷумла таъмини таслеҳоту омӯзиши неруҳо аст . »
Дар ин гуфтугуҳо ҳамчунин ду тараф бо тамаркуз бар мавзӯъоти мубрами дуҷониба тарҳи ҳамкорӣ миёни вазоратхонаҳои ду кишвар дар соли 2023-ро имзо карданд .
Вазири дифои Тоҷикистон ҳам ба аҳамияти ҳамкории ду кишвар ишора кард ва гуфт : « Аз охирин нишасти мо дар чорчуби ҳамкориҳои дуҷониба корҳои зиёде аз ҷумла чанд тамрини муштараки низомӣ анҷом шудааст . »
Бештар бихонед :
