Шумори шуҳадои Ғазза аз 2200 нафар фаротар рафт

Вазорати беҳдошти Ғазза бо ишора ба инки 66 дарсади қурбониёни ҳамалоти режими саҳюнистӣ, занон ва кӯдакон ҳастанд эълом кард, шумори шуҳадо ба 2215 нафар афзоиш ёфтааст.

Ба гузориши хабаргузории Форс, вазорати беҳдошти Ғазза зуҳри имрӯз (шанбе), омори ҷадиди шуҳадои фаластиниро эълом кард.

Вазорати беҳдошти Ғазза дар баёнияе хабар дод, 2215 шаҳрванди фаластинӣ, аз ҷумла 724 кӯдак дар ҳамалоти режими саҳюнистӣ ба шаҳодат расидаанд ва 8714 тани дигар аз оғози таҷовузот ба Навори Ғазза маҷрӯҳ шудаанд.

Вазорати беҳдошти Ғазза ҳамчунин эълом кард, аз рӯзи шанбеи гузашта (замони оғози амалиёти Тӯфони Алақсо) токунӯн 53 нафар дар Каронаи Бохтарӣ шаҳид ва беш аз 1100 маҷрӯҳ шудаанд.

Сухангӯи вазорати беҳдошти Ғазза низ гуфт, тайи 24 соати гузашта 324 шаҳрванди фаластинӣ, аз ҷумла 126 кӯдак ва 88 зан дар Навори Ғазза шаҳид ва 1018 нафари дигар маҷрӯҳ шудаанд. Мутобиқ бо ин баёния, 66 дарсади қурбониёни таҷовузоти режими саҳюнистӣ зану кӯдак ҳастанд.

Шабакаи «Ал Маёдин» ҳам имрӯз гузориш дод, даҳҳо хона дар урдӯгоҳи «Алнасирот» дар пайи ҳамалоти режими саҳюнистӣ мунҳадим шудаанд.

Кабинаи режими саҳюнистӣ дар пайи амалиёти муқовимати Фаластин ҳафтаи гузашта вазъияти ҷангӣ эълом карду обу барқи Навори Ғаззаро қатъ кард. Артиши режими саҳюнистӣ дар ин ҳамла бисёре аз таъсисоти ғайринизомӣ, аз ҷумла чандин бемористон, масҷиду хонаҳои маскӯниро дар Навори Ғазза ҳадаф қарор додааст.

Вазири иртибототи режими саҳюнистӣ дишаб (ҷумъашаб), расман эълом кард, ки ин режим имрӯз (шанбе) хадамоти интерентии Навори Ғаззаро низ қатъ хоҳад кард.